Fëmijët

Djali 10-muajsh gati humbet këmbën nga një fije e vetme floku, thirrja e nënës për të gjithë prindërit e rinj

+

floketebebtot

Jeta e foshnjes vendoset në rrezik shpesh herë dhe nga gjërat që për të rriturit duken krejt të parrezikshme.. një gogël, një kokërr orizi apo një fije floku! Një foshnje 10-muajshe gati rrezikoi gishtat e këmbës pasi një fije e gjatë floku e nënës së tij u ngatërrua në këmbë, duke i ndërprerë qarkullimin e gjakut për më shumë se 12 orë.
"Ishte një eksperiencë e tmerrshme. Jam zgjuar nga të qarat e foshnjes dhe pasi refuzonte të pinte për disa orë, i kontrollova çdo centimetër të trupit për të parë çfarë nuk shkonte. Fija e flokut i ishte përdhredhur djalit në të katërt gishtat e këmbës dhe këto të fundit ishin shndërruar në blu.” thotë nëna 26-vjeçare nga Anglia.
Një fije e vetme floku duket se i kishte ndërprerë qarkullimin e gjakut në të gjithë gishtërinjtë dhe nëna e re tregon se iu deshën më shumë se 15 minuta për t’i hequr fijen nga gishtat .
Pas kësaj përvoje të hidhur, nëna u detyrua ta dërgonte menjëherë djalin në spital, ku iu dha një krem antibakterial për trajtim.
Nëse fija e flokut nuk do ishte hequr edhe për pak orë, i vogli mund të rrezikonte t’i priheshin gishtat.
"Unë jam një nënë e kujdesshme, por kurrë nuk kisha menduar se një fije floku mund t’i shkaktonte këtë dhimbje të voglit tim. ”
Gjithçka sugjerojnë mjekët është që nënat mos t’i mbajnë flokët lëshuar kur ushqejnë fëmijën me gji, kur e veshin, apo kur flenë me ta. Lexoni ketu nje tjeter histori te ngjashme