living social

Home | Dasmat | Planifikimi i dasmave | Dasmë në dimër- si të vishemi me elegancë dhe komoditet kundër të ftohtit

Dasmë në dimër- si të vishemi me elegancë dhe komoditet kundër të ftohtit

Font size: Decrease font Enlarge font
Dasmë në dimër- si të vishemi me elegancë dhe komoditet kundër të ftohtit

Nusja me dhëndrin, shoqërueset, dëshmitarët, mbajtësi i unazës, prindërit dhe të ftuarit...

Kur dasma bëhet në dhjetor  “si të vishemi” është mendimi i parë i natyrshëm, duke qenë se eleganca duhet të bjerë dakord me komoditetin dhe të ftohtin e stinës.

Veshja për dhëndrin dhe nusen. Origjinalitet mes leshit, atllazit dhe ekopeliçes.

Të rejat stilistike dhe të aksesorëve të modës kanë sjellë krijime të shumë modeleve dimërore për veshjen e nuses, të cilat bashkojnë elegancën dhe thjeshtësinë me origjinalitetin duke shfrytëzuar copat tipike të stinës më të ftohtë të vitit. Fustani dimëror i nuses është në përgjithësi i bërë i gjatë prej atllazi apo tjetër cope të rëndë, me bisht e me pjesë të vogla prej leshi apo prej peliçeje. Aleatët e nuses kundër të ftohtit janë aksesorët: dorezat, shalli, palltoja që, në disa modele plotëson fustanin.
Kalojmë tek dhëndri. Edhe për burrat, në qoftë se i ftohti është i athët, lejohet përdorimi i palltos apo pardesysë prej leshi, që duhen hequr para se të fillojë ceremonia. Zgjedhja e modelit dhe e copës për veshjen e dhëndrit është e madje, por parashikon gjithmonë një stil klasik dhe elegant, ngjyrë blu nate apo e zezë. Aksesorët janë të rëndësishëm pasi i japin kostumit personalitet e veçori, rëndësi ka që të jenë të kombinuar më kravatën apo shaminë e xhepit.

Shoqëruesja dhe mbajtësi i unazës- veshje elegante edhe për përmasat e një fëmije

Veshjet e shoqërueses së nderit dhe e mbajtësit të unazës, edhe pse elegante, duhet të jenë të thjeshtë dhe me përmasa fëmijësh, të cilët sapo kanë kryer misionin e tyre, do të duan të lëvizin, vrapojnë e luajnë duke rrezikuar të prishin veshjet e bukura që kanë. E rëndësishme është të zgjedhim veshje që mbrojnë nga i ftohti, por që nuk fryjnë shumë, sidomos gjatë ceremonisë, ku fëmijët duhet të ecin e të rrinë shpesh në këmbë. Për shoqëruesen mund të zgjidhet një fustan gjysmë i gjatë prej kadifeje apo fanellate. Ngjyra duhet të jetë në tonalitet me atë të nuses, përndryshe të zgjidhen ngjyra të ngrohta e të zbehta. Edhe mbajtësi i unazës do një copë kadifeje apo fanellate. Modeli i kostumit është klasik, ngjyrë e errët, në sintoni me ngjyrën dhe stilin e kostumit të dhëndrit. Ai do vishet me pantallona klasike, me këmishë dhe xhaketë të shoqëruar me kravatë apo pajon të kombinuar.

Prindër, dëshmitarë dhe të ftuar. Mos harroni: skena është e atyre që martohen

Nëna dhe vjehrra kanë një rol të veçantë si gjatë ceremonisë ashtu edhe gjatë gjithë dasmës. Ndihmojnë fëmijët e tyre gjatë gjithë ditës: rregullimi i fustanit/ kostumit, drejtojnë të ftuarit etj, etj. Mënyra e tyre e të veshurit ka një kuptim social, një lloj kalimi stafete roli. Për ato është e rëndësishme rregulla “mos i vidh skenën nuses”, me një zgjedhje ngjyrash e modelesh të shkëlqyera. Për ato ndalohet ngjyra e bardhë dhe e zezë. Mund të zgjidhet një fustan me xhaketë prej stofi të trashë, për t’u mbrojtur nga temperaturat e akullta. Mund të zgjidhet  edhe një kostum me fund apo pantallona. Fustani mund të jetë me fantazi dhe lejohet ngjyra vishnje.
Babai dhe vjehrri kanë si detyrim thjeshtësinë: këmishë e bardhë apo bezhë, pantallona të zeza, xhaketë dhe këpucë mokasine pa shkëlqim.
Dëshmitarët duhet sigurisht t’i kushtojnë vëmendje veshjes së tyre, duhet t’i përshtaten si stilit të nuses e dhëndrit, ashtu edhe stilit të ditës në përgjithësi. Zakonisht dëshmitarët duhet të ndjekin këshillat që vlejnë edhe për të ftuarit. Gratë më çorape të trasha leshi dhe aksesorë si shall, triko dhe mund të veshin fustane të gjata deri tek gjuri. Të ndaluara fustanet shumë të shkurtra apo shumë të gjata. Ndryshe nga mamatë dhe dëshmitarët, të ftuarat mund të veshin ngjyrën e zezë të kombinuar me ngjyrën argjend, me kusht që të mos bien në kontrast me fustanin e nuses. Absolutisht e ndaluar kuleta e zezë dhe aksesorët e zinj. Shalli i qafës apo i supeve duhet të bjerë në kontrast me ngjyrën e errët të fustanit, gratë mund të veshin edhe pantallona, me kusht që të jenë të zeza, të drejta e të gjëra. Burrat mund të zgjedhin kostum klasik blu apo të errët në stof leshi.

Shperndaj ne : Post on Facebook Add to your del.icio.us Digg this story StumbleUpon Twitter

Subscribe to comments feed Komente (0 u postua)

total: | shfaq:

Postoni komentin tuaj

  • Bold
  • Italic
  • Underline
  • Quote

Ju lutem shkruani kodin qe shihni ne imazh:

Captcha

Log in

  • Dergo me email Dergo me email
  • Printo artikullin Printo artikullin
  • Vetem tekst Vetem tekst
Shperndaj ne : Post on Facebook Add to your del.icio.us Digg this story StumbleUpon Twitter

Taguar si:

Nuk ka tage per kete artikull

Votoni artikullin

1.00