living social

Home | Fashion | Veshje | Si të kombinojmë ngjyrat

Si të kombinojmë ngjyrat

Font size: Decrease font Enlarge font
Si të kombinojmë ngjyrat

Të kombinosh ngjyrat duket si gjëja më e thjeshtë e botës, pasi mjafton të dish se cilat ngjyra shkojnë me njëra-tjetrën dhe cilat jo.

Por në realitet ndodh ndryshe, sepse moda shpesh po i thyen rregullat, duke propozuar kombinime ngjyrash jashtë çdo skeme, gjë që krijon konfuzion.
Pavarësisht nga kjo, për të ditur si të kombinojmë ngjyrat, duhet para së gjithash të mësojmë rregullat bazë dhe së dyti, të marrim në konsideratë edhe “ngjyrat tona”, d.m.th. nuancat e lëkurës dhe të flokëve, të cilat ndikojnë në përzgjedhjen e veshjes.

Rregullat bazë të kombinimit të ngjyrave

Për të ditur si t’i kombinojmë ngjyrat, zakonisht i drejtohemi rrethit te Itten-it ( në foto), i cili mund të jetë një udhëzues shumë i mirë edhe për ne. Rregulli i këtij rrethi është që të mos kombinojmë ngjyrat e afërta me njëra-tjetrën, ndërsa ato që ndodhen në pozicione të kundërta kombinohen shumë mirë. Ky mund të jetë një fillim i mirë i kombinimit, por më mirë le të rifreskojmë pak kujtesën lidhur me kombinimet kryesore:
Si të kombinojmë të bardhën: Ndoshta është ngjyra më e kombinueshme nga të gjitha, sepse në fakt mund ta kombinojmë me ngjyrat pastel apo neutro, por edhe me ngjyrat e ngrohta si e kuqja. Në rastin e së bardhës, duhet mbajtur parasysh se veshjet me këtë ngjyrë synojnë të theksojnë format, prandaj në se nuk dëshirojmë këtë lloj efekti, më mirë të mos vishemi me të bardha ose ndoshta duhet të zgjedhim veshje jo shumë të ngushta.
Si të kombinojmë të kuqen: Kjo është ndoshta ngjyra më e vështirë për t’u kombinuar, gjë që shihet edhe nga rrethi i Itten-it; ajo nuk shkon me blunë, të verdhën, jeshilen, portokallinë etj. Shkon shumë me të zezën e të bardhën dhe nuk duhet të rrijë kurrë pranë rozës, edhe pse ky kombinim përfaqëson një nga rregullat e thyera nga stilistët vitet e fundit.
Si të kombinojmë ngjyrën kafe: edhe kjo ngjyrë nuk është e lehtë për t’u kombinuar. Ajo shkon mirë me nuanca të tjera të ngjyrës kafe ( bezhën, ngjyrën e lëkurës), me të praruarën dhe jeshilen. Nuk duhet të kombinohet me të zezën.
Si të kombinojmë të zezën: e zeza shkon me pothuajse të gjitha ngjyrat, me përjashtim të ngjyrës kafe (përveç ngjyrës së lëkurës) dhe blusë (përveç blusë elektrike). Ngjyrat pastel shkojnë shumë me të zezën, por është më mirë të zgjedhim ngjyrat e ndezura, në rast se duam një kombinim të përkryer.
Si të kombinojmë të verdhën: ndryshe nga ç’mendohet, e verdha mund të kombinohet në mënyra të ndryshme. Ajo shkon me ngjyrën kafe dhe ngjyrat e errëta, me vjollcën dhe jeshilen e çelur.
Si të kombinojmë blunë: bluja kombinohet në mënyrë të përkryer me të gjitha nuancat e tjera të blusë. Evitoni kombinimin e saj me të zezën, të kuqen dhe të verdhën.
Këto janë kombinimet  bazë të ngjyrave kryesore, për të cilat duhet të kemi parasysh që të mos kombinojmë ngjyrën me nuancat e saj, me përjashtim të ngjyrave blu dhe kafe.

Si të kombinojmë ngjyrat në bazë të ngjyrave të lëkurës dhe flokëve

Siç u përmend më lart, kombinimet e ngjyrave bëhen edhe në bazë të ngjyrave tona të lëkurës dhe flokëve. Lëkurat e errëta kombinohen në mënyrë të përsosur me të verdhën e të praruarën si dhe në përgjithësi me ngjyrat e çelura. Kush e ka lëkurë me ngjyrë të çelur, duhet të përpiqet për të krijuar kontrast me ngjyra të ndezura, ndërsa kur bëhet fjalë për kombinimin me flokët, biondet mund të kombinohen me të gjitha ngjyrat përveç së praruarës. Brunet mund të përdorin ngjyrat e ndezura, si e kuqja, vjollca dhe ngjyra kafe, të kombinuara edhe me ngjyrat pastel. Në qoftë se adhuroni ngjyrat e errëta, synoni për të zezën të kombinuar me ngjyra të gjalla si dhe evitoni grinë e errët apo blunë.
Këto, pra janë rregullat bazë për të mësuar si të kombinojmë ngjyrat, por mund  të provoni edhe për të krijuar kombinime të reja: mos harroni kurrë të përdorni jo më shumë se dy ngjyra bashkë!

Shperndaj ne : Post on Facebook Add to your del.icio.us Digg this story StumbleUpon Twitter

Subscribe to comments feed Komente (1 u postua)

avatar
krenare 05/02/2013
po ngjyra roze si kombinohet
total: 1 | shfaq: 1 - 1

Postoni komentin tuaj

  • Bold
  • Italic
  • Underline
  • Quote

Ju lutem shkruani kodin qe shihni ne imazh:

Captcha

Log in

  • Dergo me email Dergo me email
  • Printo artikullin Printo artikullin
  • Vetem tekst Vetem tekst
Shperndaj ne : Post on Facebook Add to your del.icio.us Digg this story StumbleUpon Twitter

Taguar si:

Nuk ka tage per kete artikull

Votoni artikullin

3.33