Kategoritë që përfitojnë rritje rroge nga 1 korriku, ja sa do të jetë shtesa
Punonjësit e administratës publike do të përfitojnë rritje të pagës, duke filluar nga 1 Korriku 2024. E ndërsa paga me...
Nga Dhurata Thanasi Daneri, Fotografia Armand Habazaj
Nëse jeni mërzitur me recetat tradicionale të Vitit të Ri, kjo tortë është ajo që ju duhet për të festuar ndryshe! Shijojeni!
Përbërësit:
* 1 kokërr avokado të pjekur (gati 150 g)
* 300 g sheqer pluhur
* 350 g miell mundësisht pa gluten
* 50 g kakao e zezë pluhur
* 1 lugë çaji bikarbonat sode
* 2 lugë çaji pluhur pjekjeje
* 400 ml qumësht soje jo i ëmbël
* 150 ml vaj misri
* 2 lugë kafeje lëng vanilje
Për kremin e tortës:
* 85 g avokado e pjekur
* 85 g qumësht
* 200 g çokollatë pa qumësht 70% kakao, të thyera në copa (gjendet në të gjithë dyqanet organikë)
* 25 g kakao pluhur
* 125 ml qumësht soje
* 200 g krem sheqer
* 1 lugë kafeje lëng vanilje
* luleshtrydhe dhe boronica për zbukurim
Përgatitja:
Ndezim furrën në temperaturën 190 gradë C. Bëjmë krem me avokadon dhe sheqerin pluhur në një robot kuzhine. Në një tas të madh, hedhim kremin e avokados dhe mbi të shtojmë me radhë vajin, kakaon, qumështin e sojës, miellin e bashkuar më parë me sodën e bukës dhe fryrësin. I përziejmë me një spatul kuzhine duke e sjellë spatulën nga lart- poshtë. E ndajmë në dy tava të rrumbullakëta të lyera më parë me vaj dhe të pluhurosura me miell në mënyrë që të shmangim ngjitjen. Pjekim kekët për gati 20 minuta. I lëmë të ftohen ndërkohë që merremi me përgatitjen e kremit të tortës. Rrahim me një rrahës elektrik avokadon me vajin e misrit derisa të përftojmë një masë kremoze. E kalojmë në një sitë për të shmangur pjesët e forta. Shkrijmë çokollatën në banjëmari dhe e ftohim për gati 6-7 minuta. Sitim kakaon e zezë dhe mbi të shtojmë qumështin e sojës duke e rrahur gjithmonë me një rrahës dore.
Dalëngadalë, shtojmë sheqerin pluhur të situr dhe pa toptha. I bashkojmë sipas radhës të gjithë kremrat, duke filluar nga avokadoja, më pas çokollata e shkrirë dhe kakaoja me qumësht, pa ndaluar rrahjen e ngadaltë. Shtrojmë kremin mbi njërin kek. Më pas, mbi të vendosim kekun tjetër dhe i lyejmë të dy me ndihmën e një spatule. Kekun e zbukurojmë me luleshtrydhe të prera hollë dhe boronica të freskëta. E shërbejmë të freskët.
Punonjësit e administratës publike do të përfitojnë rritje të pagës, duke filluar nga 1 Korriku 2024. E ndërsa paga me...
Vin Diesel po i kërkon një gjyqtari të Los Anxhelosit që të hedhë poshtë padinë e ngacmimit se*sual të ngritur ku...
Çmimi i kakaos është rritur me shpejtësi gjatë muajve të fundit. Një ton kakao të martën arriti vlerën e m...