Makarona & oriz

Rizoto me karkaleca

+

rrizotkarkk
A i keni provuar karkalecat me aromë lëkure limoni jeshil? Duket një pjatë verore por nuk po e lidhim me detin, vetëm me nevojën e stomakut për të qëndruar i lehtë!

Fotografia: Armand Habazaj 

Përbërësit për 3-4 persona:
280g oriz Carnaroli ● 1 qepë e vogël, e grirë në feta ● lëng zarzavatesh i valuar ● 300g karkaleca të freskët, të pastruar ● 160ml qumësht kokosi ● 1 lime bio ● vaj ulliri, kripë e piper

Përgatitja:
1.Në një tenxhere skuqim qepën me 4 lugë vaj ulliri. Shtojmë më pas orizin, të cilin e skuqim për disa minuta. Shtojmë një garuzhde lëng të valuar dhe kur ky të jetë shteruar, shtojmë lëng tjetër.
2. Kur duhen edhe 5 minuta që orizi të ziejë, shtojmë karkalecat të pastruar, qumështin e kokosit dhe përfundojmë kështu zierjen e orizit. Shtojmë lëkurën e lime, të grirë imët me rende dhe e përziejmë me lugë druri. E shërbejmë me copa lime, lëkurë lime të grirë freskët.