Aktualitet

«Nuk më lënë brenda, se s’kam biletë» Ndriçim Xhepën nuk e lejojnë të shohë premierën e filmit të vet

+

ndricimxhepapa

Gjatë prezantimit të parapremierës së filmit "Delegacioni" në kinema Millenium, Ndriçim Xhepa nuk është lejuar të hyjë në sallën e Kinemasë. Aktori i mirënjohur duket se nuk kishte blerë biletën me çmimin prej 300 lekësh, biletë që duhej të paguhej nga publiku i gjërë, e jo nga vetë kasti i filmit. 

Filmi i cili solli emocione, kujtesë dhe përjetim mbi dramën e madhe të shtypjes së njeriut, heqjes së lirisë dhe dinjitetit në vitet e komunizmit, u shfaq mbrëmë në kinema e ndonëse aktori protagonist i filmit u prezantua, rojet përsëri nuk e kanë lejuar të hyje brenda, që më pas ka çuar në irritim të aktorit.
Dritare.net shkruan se menjëherë pasi aktori ka dalë jashtë i fyer, kanë ardhur Agron Domi, organizatori i festivalit dhe Ilir Butka, kryetari i Qendrës Kombëtare të Kinematografisë, dhe i kanë kërkuar të hynte në sallë.
Ai ka refuzuar duke thënë: “Nuk hyj brenda se nuk kam biletë. E kam parë filmin tre herë, nuk dua ta shoh më. Do rri jashtë të pi një kafe”.
Pas shumë lutjesh Xhepa pranon të hyjë, i kërkohet ndjesë dhe i thuhet “se nuk e njohën”.