Aktualitet

Përgjigjia e prerë e Ramës ndaj Ndrenikës e Asqeriut: “Duan apo s’duan ata…”

+

rmandren

Prej thuajse dy javësh, një pjesë e madhe e aktorëve e regjisorëve që janë ose jo pjesë aktuale e Teatrit Kombëtar, kërkojnë që godina ku punojnë e ku është ndërtuar historia e teatrit, të mos shembet për t'u harruar o për t’u zhvendosur në një vend tjetër.
Deri sot nuk kishte reaguar ndaj kësaj kryeministri Edi Rama që e ka dhënë një përgjigje përmes një komenti në facebook. I pyetur se ç’mendon për deklaratat e aktorëve Robert Ndrenika e Bujar Asqeriu ai ka thënë…

REPLIKA

Komentuesi: E degjove Robert Ndrenikën Edo? Po Bujar Asqeriun? Folën nga plasja shpirtit…kështu jemi pothuaj të gjithë,edhe pse të japim votën që të mos fitojë më ai Qoftëlargu!

Rama: Jo Andi,nuk i kam dëgjuar dhe nuk e di çfarë plasje kanë, po di që debati për të mbrojtur godinën e rrënuar të teatrit, është një debat i stërvjetër, i stërlodhur dhe pa asnjë vlerë e asnjë kuptim sot! Sa ka bërë qeveria ime për teatrot, muzetë, stadiumet në vetëm 4 vjet nuk i kanë bere te gjitha qeverite bashke ne 25 vjet! Nuk mjaftojne? Aspak. Por ama leksione te asnje lloji s’na jep dot askush dhe ne keto kater vjet do bejme ende me shume, perfshire edhe Teatrin e Ri Kombetar, duan s’duan ata qe s’dine cfare duan!