Kuriozitete

Përse nuk duhet të karikoni kurrë telefonin në bar

+

charge phone at the bar

Zhvillimi i teknologjisë po ndikon gjithnjë e më shumë në jetën e një njeriut modern. Rrjetet sociale  dhe nevoja për t'u përditësuar në çdo moment na ka kthyer thuajse të varur nga pajisjet elektronike, më konkretisht nga telefoni. Momenti kur mbetemi pa bateri është një moment shumë kritik dhe përpiqemi të gjejmë medoemos një zgjidhje, si për shembull ta karikojmë natë në lokale ku pijmë kafe apo në restorantet ku drekojmë. Në të vërtetë jemi duke bërë një gabim shumë të madh. Në një deklaratë për CNN, Drew Paik, themelues i firmës Authentic 8 u shpreh se hackersat arrijnë të kenë akses lehtësisht në prizat e karikimit dhe wi-fi me anë të një teknike të quajtur "Juice Jacking". USB-ja që lidh telefonin me karikuesin është e projektuar për të transmetuar të dhëna personale. Kjo do të thotë se fotot tuaja, mesazhet, e-mailet dhe çdo gjë tjetër mund të përdoret nga dikush tjetër. E vetmja gjë që mund të bëni në raste kur telefoni juaj mbetet pa karikim është ta karikoni atë në shtëpi, zyrë apo në një vend tjetër më të sigurt.